തിരുവനന്തപുരം: കെപിസിസി പ്രസിഡന്‍റ്‌ കെ.സുധാകരന്‍റെ മോശം പരാമര്‍ശം ഓരോരത്തരുടെയും സംസ്‌കാരം കാണിക്കുന്നതാണെന്ന് മുഖ്യമന്ത്രി പിണറായി വിജയന്‍. പരാമര്‍ശിച്ച ശേഷം നാട്ടു ഭാഷയെന്ന് പറയുന്നതില്‍ കാര്യമില്ല.
'പട്ടിയും ചങ്ങലയും' എല്ലായിടത്തും ഒന്നു തന്നെയാണ്. ഇത്തരം പരാമര്‍ശങ്ങള്‍ സംബന്ധിച്ച് സമൂഹം വിലയിരുത്തട്ടെയെന്നും മുഖ്യമന്ത്രി പറഞ്ഞു. ഇതിന്‍റെ പേരില്‍ കേസുമായി മുന്നോട്ടു പോകാന്‍ സര്‍ക്കാരിന് താല്‌പര്യമില്ല. തെരഞ്ഞെടുപ്പ് കമ്മിഷന്‍റെ നിര്‍ദേശം അനുസരിച്ച് പരാതി വന്നപ്പോള്‍ കേസെടുത്തതാകാം. സുധാകരന് എന്തെങ്കിലും വിഷമം തന്നോടുണ്ടാകും. അതില്‍ തനിക്കൊന്നും പറയാനില്ലെന്നും മുഖ്യമന്ത്രി പറഞ്ഞു.
പരാമര്‍ശങ്ങള്‍ അവരവരുടെ സംസ്‌കാരത്തെയാണ് സൂചിപ്പിക്കുന്നതെന്ന് സുധാകരന് പിണറായിയുടെ മറുപടി