ഇന്ധനവിലയില്‍ വീണ്ടും വര്‍ധനവ്

സംസ്ഥാനത്ത് പെട്രോളിന് ഏറ്റവും ഉയര്‍ന്ന വിലയുള്ളത് തിരുവനന്തപുരത്താണ്.

തിരുവനന്തപുരം: ഇന്ധനവില ഇന്നും കൂട്ടി. പെട്രോളിന് 35 പൈസയും ഡീസലിന് 17 പൈസയുമാണ് വർധിപ്പിച്ചത്. ക്രൂഡ് ഓയില്‍ വില മൂന്ന് വർഷത്തെ ഏറ്റവും ഉയർന്ന നിലയില്‍.

തിരുവനന്തപുരത്ത് പെട്രോളിന് വില 102.19 രൂപയും, ഡീസലിന് 96.11 രൂപയുമാണ്. കൊച്ചിയില്‍ ഒരു ലിറ്റര്‍ പെട്രോളിന് 100.40 രൂപയും, ഡീസലിന് 94.34 രൂപയുമായി. കോഴിക്കോട് പെട്രോളിന് 100.68 രൂപ, ഡീസലിന് 94.71 രൂപയുമാണ് ഇന്നത്തെ(ജൂലൈ 7) വില.

സംസ്ഥാനത്ത് പെട്രോൾ വില ആദ്യം 100 കടന്നത് തിരുവനന്തപുരത്താണ്. സംസ്ഥാനത്ത് ഏറ്റവും ഉയർന്ന പെട്രോൾ വിലയും തലസ്ഥാനത്താണ്.