തിരുവനന്തപുരം : ബാലരാമപുരത്ത് ബൈക്കിലെത്തിയ രണ്ടംഗ സംഘം പത്തിലധികം വാഹനങ്ങൾ വെട്ടി തകർത്തു. രണ്ടുപേർക്ക് പരിക്ക്. പ്രതികളില്‍ ഒരാൾ പൊലീസ് കസ്‌റ്റഡിയിലായി.
ബാലരാമപുരം എരുത്താവൂർ, റസ്സൽപുരം തുടങ്ങിയ ഭാഗങ്ങളിലാണ് ബൈക്കിലെത്തിയ രണ്ടംഗ സംഘം അഴിഞ്ഞാടിയത്. ഇവർ സഞ്ചരിച്ച പ്രദേശത്തെ നിർത്തിയിട്ടിരുന്ന 9 ലോറി, 3 കാറ്, നാല് ബൈക്ക് എന്നിവ വെട്ടി തകർത്തു.
എരുത്താവൂർ സ്വദേശിയായ അനുവിന്‍റെ കടയുടെ മുമ്പിൽ നിർത്തിയിരുന്ന ഹോണ്ട ആക്‌ടീവ പൂർണമായും അടിച്ചുതകർത്തു. കാർ യാത്രക്കാരനായ ജയചന്ദ്രനും ബൈക്കിൽ സഞ്ചരിക്കുകയായിരുന്ന ഷീബ കുമാരിക്കുമാണ് വെട്ടേറ്റ് പരിക്ക് പറ്റിയത്. പരിക്കുകൾ സാരമുള്ളതല്ല.
തിരുവനന്തപുരത്ത് 12 വാഹനങ്ങള്‍ വെട്ടിത്തകര്‍ത്തു, യാത്രക്കാരെയും ആക്രമിച്ചു, അഴിഞ്ഞാടി യുവാക്കള്‍