തിരുവനന്തപുരം: കൊവിഡ് 19 പ്രതിരോധ പ്രവർത്തനങ്ങളില്‍ ആരോഗ്യവകുപ്പിന് കൈത്താങ്ങായി ജയിൽ വകുപ്പ്. ജയിലുകളില്‍ നിന്ന് പ്രതിദിനം ഇരുപതിനായിരത്തോളം മാസ്‌കുകൾ നിർമ്മിച്ചു നൽകാൻ തീരുമാനമായി. തിരുവനന്തപുരം പൂജപ്പുര സെൻട്രൽ ജയിലിലെ യൂണിറ്റിൽ മാസ്‌കുകളുടെ നിർമ്മാണം പുരോഗമിക്കുന്നു. ആരോഗ്യവകുപ്പിന്‍റെ മാനദണ്ഡമനുസരിച്ചുള്ള പ്രത്യേക തുണിയിലാണ് മാസ്‌കുകൾ നിർമ്മിക്കുന്നത്. പതിനഞ്ചോളം തടവുകാരും ജയിൽ ജീവനക്കാരുമാണ് മാസ്‌കുകൾ നിർമ്മിക്കുന്നത്.
കൊവിഡ് പ്രതിരോധം; മാസ്‌കുകൾ സെൻട്രല്‍ ജയിലില്‍ നിന്ന്