കോഴിക്കോട് പക്ഷിപ്പനി; ആശങ്ക വേണ്ടെന്ന് ആരോഗ്യമന്ത്രി

കാലാവസ്ഥ മാറ്റത്തിന്‍റെ ഭാഗമായാണ് വീണ്ടും രോഗം ഉണ്ടായത്. കൂടുതല്‍ ഇടങ്ങളിലേക്ക് വ്യാപിക്കാതിരിക്കാനുള്ള നടപടികൾ ആരോഗ്യവകുപ്പിന്‍റെ നേതൃത്വത്തില്‍ സ്വീകരിച്ചിട്ടുണ്ടെന്ന് ആരോഗ്യമന്ത്രി പറഞ്ഞു

തിരുവനന്തപുരം: കോഴിക്കോട് ജില്ലയില്‍ രണ്ടിടങ്ങളില്‍ പക്ഷിപ്പനി സ്ഥിരീകരിച്ച സംഭവത്തില്‍ ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രി കെ.കെ ശൈലജ. കാലാവസ്ഥ മാറ്റത്തിന്‍റെ ഭാഗമായാണ് വീണ്ടും രോഗം ഉണ്ടായത്. കൂടുതല്‍ ഇടങ്ങളിലേക്ക് വ്യാപിക്കാതിരിക്കാനുള്ള നടപടികൾ ആരോഗ്യവകുപ്പിന്‍റെ നേതൃത്വത്തില്‍ സ്വീകരിച്ചിട്ടുണ്ട്.

വെറ്ററിനറി വകുപ്പിനെ കൂടി യോജിപ്പിച്ചു കൊണ്ട് നടപടികൾ ഏകോപിപ്പിക്കും. ആരോഗ്യവകുപ്പിന്‍റെ ഒരു സംഘം രോഗബാധിത പ്രദേശങ്ങളില്‍ എത്തിയിട്ടുണ്ടെന്നും ആരോഗ്യമന്ത്രി അറിയിച്ചു.