തിരുവനന്തപുരം: കിഫ്ബി പദ്ധതിയുടെ കരാറുകാരനെതിരെ വിര്‍ശനവുമായി ഭരണപക്ഷ എംഎല്‍എ കോവൂര്‍ കുഞ്ഞുമോന്‍ നിയമസഭയില്‍. കുണ്ടറ-മുളവന-ചിറ്റൂര്‍-മണ്‍ട്രോ തുരുത്ത് റോഡിന്‍റെ നിര്‍മാണവുമായി ബന്ധപ്പെട്ട സബ്‌മിഷനിലാണ് കോവൂര്‍ കുഞ്ഞുമോന്‍ കിഫ്ബി കരാറുകാരനെതിരെ രൂക്ഷ വിമര്‍ശനം ഉന്നയിച്ചത്.
കരാറുകാരന്‍റെ നിസംഗത കാരണം റോഡ് പണി നടക്കുന്നില്ലെന്ന് കോവൂര്‍ കുഞ്ഞുമോന്‍ നിയമസഭയിൽ കുറ്റപ്പെടുത്തി. എംഎല്‍എ വിളിച്ചാല്‍ പോലും കരാറുകാരന്‍ ഫോണ്‍ എടുക്കാന്‍ കൂട്ടാക്കുന്നില്ല. പണമില്ലാത്ത കാരറുകാരന് കരാര്‍ കൊടുക്കരുത്. പദ്ധതിയിലെ കരാറുകാരനെ പുറത്താക്കണമെന്നും കോവൂര്‍ കുഞ്ഞുമോന്‍ ആവശ്യപ്പെട്ടു.