തിരുവനന്തപുരം: വിദ്യാഭ്യാസമന്ത്രി വി.ശിവന്‍കുട്ടിയുടെ രാജിയാവശ്യപ്പെട്ട് ഓഗസ്റ്റ് നാലിന് നിയോജക മണ്ഡലം തലങ്ങങ്ങളില്‍ യു.ഡി.എഫ് ധര്‍ണ നടത്തുമെന്ന് കണ്‍വീനര്‍ എം. എം. ഹസന്‍. ലാവ്‌ലിന്‍ കേസില്‍ സുപ്രീം കോടതിയില്‍ വിചാരണ നേരിടുന്നതു കൊണ്ടാണ് മുഖ്യമന്ത്രി ശിവന്‍ കുട്ടി രാജിവയ്‌ക്കേണ്ടതില്ലെന്നു പറയുന്നത്.
രാജിയില്ലെന്ന മുഖ്യമന്ത്രിയുടെ പ്രഖ്യാപനം നിയമവാഴ്ചയോടുള്ള വെല്ലുവിളിയാണ്. മൂന്ന് കോടതികളും തള്ളുകയും മാപ്പര്‍ഹിക്കാത്ത കുറ്റമെന്ന് സുപ്രീംകോടതി വിധിക്കുകയും ചെയ്ത സാഹചര്യത്തില്‍ ശിവന്‍കുട്ടി ഇനി മന്ത്രിസ്ഥാനത്ത് തുടരുന്നത് ശരിയല്ലെന്നും ഹസന്‍ പറഞ്ഞു.