തിരുവനന്തപുരം :മുഴുവന്‍ കുട്ടികള്‍ക്കുമായി കോളജുകള്‍ തുറക്കുന്ന കാര്യം കൊവിഡ് സ്ഥിതിഗതികള്‍ വിലയിരുത്തിയ ശേഷമെന്ന് ഉന്നത വിദ്യാഭ്യാസ മന്ത്രി ആര്‍. ബിന്ദു ഇടിവി ഭാരതിനോട്. വിദ്യാര്‍ഥികള്‍ക്ക് അധ്യാപകരുമായി ആശയ വിനിമയം നടത്തുന്നതിനും സംശയ നിവാരണത്തിനുമായാണ് സംസ്ഥാനത്തെ കോളജുകള്‍ ഒക്ടോബര് നാലിന് തുറക്കാന്‍ തീരുമാനിച്ചതെന്നും മന്ത്രി പറഞ്ഞു.
മുഴുവന്‍ കുട്ടികള്‍ക്കുമായി കോളജുകള്‍ തുറക്കുന്ന കാര്യം കൊവിഡ് സ്ഥിതിഗതികള്‍ വിലയിരുത്തിയ ശേഷമെന്ന് മന്ത്രി ആര്‍. ബിന്ദു.
മൂന്ന് സമയക്രമങ്ങളിലായി ക്ലാസ് നടത്താനുള്ള നിര്‍ദേശമാണ് സ്ഥാപന മേധാവികള്‍ക്ക് നല്‍കിയിട്ടുള്ളത്. വിശാലമായ ക്ലാസ് മുറികളാണെങ്കില്‍ കുട്ടികളെ ഒരുമിച്ചിരുത്താം. അല്ലെങ്കില്‍ ക്ലാസുകള്‍ ഷിഫ്റ്റ് അടിസ്ഥാനത്തില്‍ ക്രമീകരിക്കണം. ഇക്കാര്യത്തില്‍ കോളജ് കൗണ്‍സിലുകളുടെ സഹായത്തോടെ സ്ഥാപന മേധാവികള്‍ക്ക് ഉചിതമായ തീരുമാനം എടുക്കാം.