തിരുവനന്തപുരം:വിനോദ സഞ്ചാരികള്‍ കേരളത്തിലേക്കുള്ള യാത്ര ഒഴിവാക്കണമെന്ന അഭ്യര്‍ത്ഥനയുമായി ടൂറിസം മന്ത്രി കടകംപള്ളി സുരേന്ദ്രന്‍. കേരളത്തിന്‍റെ എല്ലാ ഗ്രാമങ്ങളില്‍ നിന്നും കൊവിഡ് വൈറസിനെ അകറ്റിനിര്‍ത്തുന്ന പ്രയത്‌നത്തില്‍ സര്‍ക്കാര്‍ ഇപ്പോള്‍ ഏര്‍പ്പെട്ടിരിക്കുകയാണ്. ഇത് കേരളത്തിലേക്ക് സഞ്ചാരത്തിന് പറ്റിയ സമയമല്ലെന്ന് കടകംപള്ളി സുരേന്ദ്രന്‍ ഇടിവി ഭാരതിനു നല്‍കിയ പ്രത്യേക അഭിമുഖത്തില്‍ വ്യക്തമാക്കി. കൊവിഡിന്‍റെ പേരില്‍ ഹോട്ടല്‍, റെസ്‌റ്റോറന്‍റ് ഉടമകള്‍ തെഴിലാളികള്‍ക്ക് ജോലിയോ വേതനമോ നിഷേധിക്കുന്ന സാഹചര്യം സര്‍ക്കാര്‍ അനുവദിക്കില്ല. കഴിഞ്ഞ നാല് വര്‍ഷത്തിനിടയിലെ ഏറ്റവും വലിയ വളര്‍ച്ചയുടെ ഗുണഫലം ഈ മേഖലയിലെ എല്ലാ വ്യവസായികള്‍ക്കും ലഭിച്ചിട്ടുണ്ടെന്ന കാര്യം അവര്‍ മറക്കരുത് എന്നും മന്ത്രി പറഞ്ഞു.
വിദേശി സ്വദേശി സഞ്ചാരികള്‍ കേരളത്തിലേക്കുള്ള യാത്ര തൽക്കാലം ഒഴിവാക്കണമെന്ന് ടൂറിസം മന്ത്രി