തിരുവനന്തപുരം: ലോകായുക്ത ഓര്‍ഡിനന്‍സില്‍ ഗവര്‍ണര്‍ ഒപ്പിട്ടതോടെ കേരളത്തില്‍ അഴിമതി വിരുദ്ധ സംവിധാനം ഇല്ലാതായെന്ന് പ്രതിപക്ഷ നേതാവ് വി.ഡി.സതീശന്‍. മുഖ്യമന്ത്രിക്ക് ഇനി പേടിക്കേണ്ടതില്ല. ഇതോടെ നവോഥാന നായകന്‍ എന്നതില്‍ നിന്ന് അഴിമതിക്ക് വെള്ളവും വളവും കൊടുത്ത മുഖ്യമന്ത്രിയായി പിണറായി വിജയന്‍ മാറി.
സര്‍ക്കാരും ഗവര്‍ണറും തമ്മില്‍ സൗന്ദര്യ പിണക്കം മാത്രം: വി.ഡി സതീശന്‍
മുഖ്യമന്ത്രിയുടെ വിദേശ സന്ദര്‍ശനം കഴിയുംവരെ ഓര്‍ഡിനന്‍സ് ഒപ്പിടാതെ മാറ്റി വച്ച ഗവര്‍ണര്‍ മുഖ്യമന്ത്രി തിരച്ചെത്തിയതോടെ നിലപാട് മാറ്റി. ഗവര്‍ണറും സര്‍ക്കാരും തമ്മിലുള്ളത് വെറും സൗന്ദര്യ പിണക്കം മാത്രം. ഗവര്‍ണറുടെ പഴ്‌സണല്‍ സ്റ്റാഫില്‍ ഒരു ബി.ജെ.പി നേതാവിനെ നിയമിക്കാന്‍ സര്‍ക്കാര്‍ അനുമതി നല്‍കിയതായുള്ള മാധ്യമ വാര്‍ത്തകള്‍ ഈ അവസരത്തില്‍ ശ്രദ്ധേയമാണ്. ആ വാര്‍ത്ത ശരിയാണെങ്കില്‍ ഇതൊരു കൊടുക്കല്‍ വാങ്ങലാണ്.