മാനവീയം വീഥിയില്‍ വീണ്ടും സംഘര്‍ഷം, കല്ലേറ്
തിരുവനന്തപുരം: സംസ്ഥാനത്തെ ആദ്യ നൈറ്റ് ലൈഫ് (night life) കേന്ദ്രമായ മാനവീയം (manaveeyam) വീഥിയില്‍ വീണ്ടും സംഘര്‍ഷം. സംഘര്‍ഷത്തില്‍ പൊലീസിന് നേരെയും കല്ലേറുണ്ടായി. ഇന്നലെ (07.11.23) രാത്രി 12 മണിയോടെയായിരുന്നു സംഭവം.
മൈക്ക് ഓഫ് ചെയ്യുന്നതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. മാനവീയം വീഥിയില്‍ പൊലീസ് എയ്‌ഡ് പോസ്റ്റിന് (police aid Post) സമീപത്താണ് സംഘർഷം ആരംഭിച്ചത്. തുടർന്നുണ്ടായ കല്ലേറില്‍ നെട്ടയം സ്വദേശി രാജിക്ക് പരിക്കേറ്റു.