തിരുവനന്തപുരം: കൊച്ചി മെട്രോ റെയില്‍ എംഡിയായി സംസ്ഥാന പൊലീസ് മുൻ മേധാവി ലോക്‌നാഥ്‌ ബെഹ്‌റയെ നിയമിച്ചു. മന്ത്രിസഭ യോഗത്തിലാണ് നിയമനം സംബന്ധിച്ച് തീരുമാനമായത്. ആദ്യമായാണ് വിരമിച്ച ഉദ്യോഗസ്ഥനെ മെട്രോ റെയില്‍ എംഡിയായി നിയമിക്കുന്നത്. ആറ്‌ മാസമായി ഒഴിഞ്ഞു കിടന്ന കൊച്ചി മെട്രോ എംഡി സ്ഥാനത്തേക്കാണ് ബെഹ്‌റയ്‌ക്ക് നിയമനം.
കൊച്ചി മൊട്രോ എംഡി സ്ഥാനത്തേക്ക് ഉദ്യോഗസ്ഥനെ നിയമിക്കാത്തതില്‍ പ്രതിഷേധിച്ച് പ്രതിപക്ഷം രംഗത്ത് വന്നിരുന്നു. എംഡി ഇല്ലാത്തതിനെ തുടര്‍ന്ന് മെട്രോയുടെ പ്രവര്‍ത്തനം പ്രതിസന്ധിയിലാണെന്ന് കോണ്‍ഗ്രസ് എംപി ഹൈബി ഈടന്‍ ചൂണ്ടിക്കാട്ടിയിരുന്നു. മെട്രോയുടെ തുടര്‍ വികസന പ്രവര്‍ത്തനങ്ങള്‍ മുടങ്ങിയത് സംസ്ഥാന സര്‍ക്കാരിന്‍റെ വീഴ്‌ചയാണെന്നും എംപി കുറ്റപ്പെടുത്തിയിരുന്നു.