തിരുവനന്തപുരം: രണ്ടാമത് ലോക കേരളസഭ ബഹിഷ്‌കരിച്ച പ്രതിപക്ഷ നേതാക്കൾക്ക് മറുപടിയുമായി മുഖ്യമന്ത്രി പിണറായി വിജയന്‍. ലോക കേരളസഭയുടെ സമാപനദിനത്തിലെ മറുപടി പ്രസംഗത്തിനിടെയായിരുന്നു മുഖ്യമന്ത്രിയുടെ വിമര്‍ശനം. പരിപാടിക്കെത്തിയ പ്രതിനിധികള്‍ ഇക്കാര്യങ്ങള്‍ അറിഞ്ഞിരിക്കണമെന്ന മുഖവുരയോടെയാണ് പ്രതിപക്ഷത്തിന്‍റെ നിലപാടില്‍ മുഖ്യമന്ത്രി അതൃപ്‌തി പ്രകടമാക്കിയത്. പ്രതിപക്ഷനേതാവ് അടക്കമുള്ളവരുമായി പലവട്ടം ഇക്കാര്യത്തില്‍ ചര്‍ച്ച നടത്തുകയും കത്ത് കൈമാറുകയും ചെയ്‌തിരുന്നു. എന്നാല്‍ ഫലമുണ്ടായില്ല. അവര്‍ അനാവശ്യമായ ആരോപണങ്ങള്‍ ഉന്നയിക്കുകയായിരുന്നു. ഇനിയും ചര്‍ച്ചക്ക് തയ്യാറാണ്. ആരെയും അകറ്റുകയെന്ന ആഗ്രഹം സര്‍ക്കാരിനില്ല. എല്ലാവരും ഒരുമിക്കണമെന്ന ആഗ്രഹമാണ് സര്‍ക്കാരിനുള്ളത്. ഇല്ലെങ്കിലും സര്‍ക്കാര്‍ മുന്നോട്ട് പോവുമെന്ന് മുഖ്യമന്ത്രി പറഞ്ഞു.
ലോക കേരള സഭ ബഹിഷ്‌കരിച്ച പ്രതിപക്ഷത്തിന് മറുപടിയുമായി മുഖ്യമന്ത്രി