തദ്ദേശ തെരഞ്ഞെടുപ്പ് തോല്‍വി; അതൃപ്‌തി പരസ്യമാക്കാതെ ലീഗ്‌

തെരഞ്ഞെടുപ്പിലെ തോല്‍വി സംബന്ധിച്ച് കൂട്ടായി ചര്‍ച്ച ചെയ്യും. യുഡിഎഫ്‌ തിരിച്ച് വരുമെന്നും കുഞ്ഞാലിക്കുട്ടി

തിരുവനന്തപുരം:തദ്ദേശ തെരഞ്ഞെടുപ്പില്‍ യുഡിഎഫിനേറ്റ കനത്ത തിരിച്ചടിയില്‍ അതൃപ്‌തി പരസ്യമാക്കാതെ ലീഗ്‌ നേതാക്കള്‍. എല്ലാം പോസിറ്റീവാണെന്നും ചര്‍ച്ചകള്‍ തുടരുമെന്നും യുഡിഎഫ്‌ അധ്യക്ഷന്‍ രമേശ്‌ ചെന്നിത്തലയുമായി നടത്തിയ കൂടിക്കാഴ്‌ചയ്‌ക്ക് ശേഷം പികെ കുഞ്ഞാലിക്കുട്ടി എംപി പറഞ്ഞു.

ചെന്നിത്തലയുമായി കൂടിക്കാഴ്‌ച നടത്തുന്നതിന് മുമ്പ് ലീഗ്‌ നേതാക്കള്‍ യോഗം കൂടിയിരുന്നു. തെരഞ്ഞെടുപ്പിലെ തിരിച്ചടി കൂട്ടായി ചര്‍ച്ച ചെയ്യുമെന്നും ലോക്‌സഭ തെരഞ്ഞെടുപ്പിലുണ്ടായ പോലെ ശക്തമായ തിരിച്ച്‌ വരവിന് വേണ്ട പ്രവര്‍ത്തിക്കുമെന്നും കുഞ്ഞാലിക്കുട്ടി പറഞ്ഞു.