തിരുവനന്തപുരം: കെഎസ്ആര്‍ടിസിയില്‍ പതിവായി ശമ്പളം മുടങ്ങുന്നതിനെതിരെയുള്ള സമരം ശക്തമാക്കാന്‍ ഭരണപക്ഷ അനുകൂല സംഘടനകളുടെ തീരുമാനം. ഈ മാസത്തെ ശമ്പളം ഇതുവരെ നല്‍കാത്തതില്‍ പ്രതിഷേധിച്ച് ഇടതു സംഘടനകളായ സിഐടിയു, എഐടിയുസി എന്നിവരുടെ നേതൃത്വത്തില്‍ പ്രതിഷേധം സംഘടിപ്പിച്ചു. പട്ടിണി കഞ്ഞി വച്ചാണ് എഐടിയുസി പ്രതിഷേധിച്ചത്. മേഖല ഓഫീസുകള്‍ കേന്ദ്രീകരിച്ച് സിഐടിയുവിന്‍റെ പ്രതിഷേധം നടന്നു. നാളെ മുതല്‍ യൂണിറ്റുകള്‍ കേന്ദ്രീകരിച്ച് സമരം ആരംഭിക്കാനാണ് കെഎസ്ആര്‍ടിസി എംപ്ലായിസ് യൂണിയന്‍റെ തീരുമാനം.
കെഎസ്ആര്‍ടിസി; ശമ്പളം വൈകുന്നതില്‍ പ്രതിഷേധം ശക്തമാക്കി തൊഴിലാളി സംഘടനകള്‍