സ്റ്റിയറിംഗ് പ്രവർത്തിച്ചില്ല; കെഎസ്ആര്‍ടിസി ബസിടിച്ച് നിരവധി പേര്‍ക്ക് പരിക്ക്

ബസിന്‍റെ സ്റ്റീയറിങ് പ്രവർത്തിക്കാതായതാണ് അപകട കാരണം. നെയ്യാറ്റിൻകരയിൽ നിന്ന് തിരുവനന്തപുരത്തേക്ക് പോവുകയായിരുന്നു ബസ്.

തിരുവനന്തപുരം: ബാലരാമപുരം കല്ലമ്പലത്ത് കെഎസ്ആർടിസി ബസും ബൈക്കും കൂട്ടിയിടിച്ച് നിരവധി പേർക്ക് പരിക്ക്. ബസിന്‍റെ സ്റ്റീയറിങ് പ്രവർത്തിക്കാതായതാണ് അപകട കാരണം. നെയ്യാറ്റിൻകരയിൽ നിന്ന് തിരുവനന്തപുരത്തേക്ക് പോവുകയായിരുന്നു ബസ്.

നിയന്ത്രണം വിട്ട ബസ് ബൈക്കുകളെ ഇടിച്ചു തെറിപ്പിച്ച ശേഷം സമീപത്തെ പോസ്റ്റിൽ ഇടിച്ച് നിൽക്കുകയായിരുന്നു. അപകടത്തിൽപെട്ടവരെ ജനറൽ ആശുപത്രിയിലും, സ്വകാര്യ ആശുപത്രിയിലും പ്രവേശിപ്പിച്ചു. ആരുടെയും നില ഗുരുതരമല്ല.