ലോക്ക് ഡൗൺ ലംഘനം: സംസ്ഥാനത്ത് ഇന്ന് 771 കേസുകൾ

886 പേർ അറസ്റ്റിലായി. 278 വാഹനങ്ങളും പൊലീസ് പിടിച്ചെടുത്തു

തിരുവനന്തപുരം: ലോക്ക് ഡൗൺ ലംഘനത്തിന് സംസ്ഥാനത്താകെ ഇന്ന് 771 കേസുകൾ രജിസ്റ്റർ ചെയ്തു. 886 പേർ അറസ്റ്റിലായി. 278 വാഹനങ്ങളും പൊലീസ് പിടിച്ചെടുത്തു. മാസ്ക് ധരിക്കാത്തതിന് 3004 സംഭവങ്ങളാണ് സംസ്ഥാനത്ത് ഇന്ന് റിപ്പോർട്ട് ചെയ്തത്. ക്വാറന്‍റൈൻ ലംഘനത്തിന് ഒൻപത് കേസുകളും രജിസ്റ്റർ ചെയ്തു. തിരുവനന്തപുരത്ത് 149 കേസുകളാണ് രജിസ്റ്റർ ചെയ്തത്. 120 പേർ അറസ്റ്റിലായി. എറണാകുളത്ത് 89 കേസുകൾ രജിസ്റ്റർ ചെയ്തു. 102 പേരാണ് ഇവിടെ അറസ്റ്റിലായത്. കോഴിക്കോട് 103 കേസുകൾ രജിസ്റ്റർ ചെയ്യുകയും 191 പേരുടെ അറസ്റ്റ് രേഖപ്പെടുത്തുകയും ചെയ്തതായി പൊലീസ് അറിയിച്ചു.