തിരുവനന്തപുരം :ഗവര്‍ണറുടെ നയപ്രഖ്യാപന പ്രസംഗത്തിന്‍റെ കരടിന് ഇന്ന് ചേരുന്ന മന്ത്രിസഭായോഗം അംഗീകാരം നൽകും. വരുന്ന 23 നാണ് നയപ്രഖ്യാപന പ്രസംഗത്തോടെ നിയമസഭാസമ്മേളനം തുടങ്ങുന്നത്. കടമെടുപ്പ് പരിധിയിൽ ഇളവ് നൽകാത്തതിൽ അടക്കം കേന്ദ്രത്തിന് എതിരായ വിമർശനം നയപ്രഖ്യാപന പ്രസംഗത്തിൽ ഉണ്ടാകാനിടയുണ്ട്.
എന്നാല്‍ ഈ സാഹചര്യത്തില്‍ ഗവർണർ കേന്ദ്രത്തിന് എതിരായ വിമർശനങ്ങൾ വായിക്കുമോ എന്ന കാര്യത്തിൽ വ്യക്തതയില്ല. കൂടാതെ മറ്റ് നിർണായക വിഷയങ്ങളും ഇന്ന് ചേരുന്ന മന്ത്രിസഭായോഗം ചർച്ച ചെയ്യും. വെള്ളക്കരം കൂട്ടാൻ എൽഡിഎഫ് അനുമതി നൽകിയതോടെ ഇക്കാര്യവും പരിഗണനയ്ക്ക് വരും.