തിരുവനന്തപുരം :തൃശൂര്‍ കരുവന്നൂരില്‍ വന്‍ സാമ്പത്തിക ക്രമക്കേട് നടന്ന പശ്ചാത്തലത്തില്‍ സഹകരണ ബാങ്കുകളില്‍ നിയന്ത്രണം കടുപ്പിക്കാന്‍ സി.പി.എം. പാര്‍ട്ടി സംസ്ഥാന കമ്മിറ്റി യോഗത്തിലാണ് ഇതുസംബന്ധിച്ച തീരുമാനം. ഇത്തരം സ്ഥാപനങ്ങളിലെ പ്രവര്‍ത്തനങ്ങളില്‍ നിയന്ത്രണവും ഇടപാടുകളില്‍ വ്യക്തതയും വേണമെന്ന് കമ്മിറ്റി നിര്‍ദേശിച്ചു.
സംഘടനാപരമായി സി.പി.എമ്മിന് ഏറെ ദോഷം ചെയ്യുന്നതാണ് സഹകരണ മേഖലയിലെ ആരോപണങ്ങള്‍. ഇതില്‍ നിയന്ത്രണം ആവശ്യമാണെന്ന അഭിപ്രായമാണ് സംസ്ഥാന കമ്മിറ്റി യോഗത്തില്‍ ഉയര്‍ന്നത്. സിപിഎം നിയന്ത്രണത്തിലുള്ള ബാങ്കുകളെക്കുറിച്ചുള്ള മോശം അഭിപ്രായം അടിത്തട്ടിലെ ജനങ്ങളില്‍ അമതിപ്പുണ്ടാക്കുമെന്നും യോഗം വിലയിരുത്തി.