തിരുവനന്തപുരം : കുഞ്ഞിനെ തിരിച്ചുകിട്ടാൻ സെക്രട്ടറിയേറ്റിന് മുന്നിൽ അനുപമ നടത്തുന്ന നിരാഹാരസമരം മുഖ്യമന്ത്രിക്ക് നാണക്കേടെന്ന് കെ മുരളീധരൻ എംപി. സാംസ്കാരിക നായകര്‍ക്കും ഡിവൈഎഫ്ഐ നേതാക്കൾക്കുമെതിരെ അദ്ദേഹം രൂക്ഷവിമർശനവും ഉന്നയിച്ചു.
കുഞ്ഞിനായുള്ള സമരം മുഖ്യമന്ത്രിക്ക് നാണക്കേടെന്ന് കെ മുരളീധരൻ
എന്തെങ്കിലും അഭിപ്രായം പറയുന്ന സാംസ്കാരിക നായകർ കാഷ്വൽ ലീവ് എടുത്തുപോയോ എന്നായിരുന്നു കെ മുരളീധരന്‍റെ പരിഹാസം. ചാനലുകളിൽ കുരയ്ക്കുന്ന ഡിവൈഎഫ്ഐ നേതാക്കൾ എവിടെപ്പോയി?. കോൺഗ്രസ് അനുപമയ്ക്ക് ഒപ്പമാണ്. അമ്മയ്ക്ക് കുഞ്ഞിനെ കിട്ടണമെന്നാണ് നിലപാടെന്നും കെ മുരളീധരൻ പറഞ്ഞു.