തിരുവനന്തപുരം : മഹാരാഷ്ട്രയിലെ നാഗ്‌പൂരിലേക്ക് തിരുവനന്തപുരത്തുനിന്ന് ഇന്‍ഡിഗോ എയര്‍ലൈന്‍സ് പുതിയ സ്റ്റോപ് വണ്‍ പ്രതിദിന സര്‍വീസ് ആരംഭിച്ചു. തിരുവനന്തപുരം-നാഗ്‌പൂര്‍ സെക്‌ടറില്‍ യാത്ര ചെയ്യാന്‍ രണ്ട്‌ വിമാനങ്ങളെ ആശ്രയിച്ചിരുന്ന സ്ഥിതിക്കാണ് ഇതോടെ മാറ്റമുണ്ടായിരിക്കുന്നത്.
തിരുവനന്തപുരത്ത് നിന്ന് നാഗ്‌പൂരിലേക്ക് പുതിയ വിമാന സര്‍വീസുമായി ഇന്‍ഡിഗോ
സ്റ്റോപ് വണ്‍ പ്രതിദിന സര്‍വീസാണ് ഇൻഡിഗോ പുതുതായി ആരംഭിച്ചിരിക്കുന്നത്
ഇന്‍ഡിഗോ
വിമാനം തിരുവനന്തപുരത്തെ ആഭ്യന്തര ടെര്‍മിനലില്‍ നിന്ന് പുലര്‍ച്ചെ 03.05ന് പുറപ്പെട്ട് പൂനെ വഴി രാവിലെ 7 മണിക്ക് നാഗ്‌പൂരില്‍ (6E 2447) എത്തിച്ചേരും. മടക്ക വിമാനം (6E 835) നാഗ്‌പൂരില്‍ നിന്ന് രാത്രി 12.05ന് പുറപ്പെട്ട് 04.10ന് തിരുവനന്തപുരത്തെത്തും. പുതിയ സര്‍വീസ് ആരംഭിക്കുന്നതോടെ യാത്രക്കാര്‍ക്ക് വിമാനം മാറി കയറേണ്ടതില്ല എന്ന്‌ മാത്രമല്ല, യാത്രാസമയം 4 മണിക്കൂറായി കുറയുകയും ചെയ്യും.