തിരുവനന്തപുരം: കൊവിഡ് വ്യാപനം തടയാൻ കര്‍ശന നിയന്ത്രണങ്ങള്‍ അനിവാര്യമെന്ന് ഇന്ത്യൻ മെഡിക്കൽ അസോസിയേഷൻ. രണ്ടാം തരംഗത്തില്‍ തീക്ഷ്‌ണമായ രോഗ വ്യാപനമാണ് നടക്കുന്നത്. ഒരാളിൽ നിന്ന് പത്തോ പതിനഞ്ചോ പേരിലേക്ക് പെട്ടെന്ന് രോഗം വ്യാപിക്കുന്ന അവസ്ഥയാണ് കടന്നു വരുന്നത്. അടുത്ത രണ്ടാഴ്‌ച വളരെ നിര്‍ണായകമായതിനാല്‍ മൈക്രോ കണ്ടെയ്ന്‍മെന്‍റ്, കര്‍ഫ്യൂ പോലെയുള്ള കര്‍ശന നിയന്ത്രണങ്ങള്‍ നടപ്പിലാക്കണമെന്നും ഐ.എം.എ ആവശ്യപ്പെട്ടു.
കൊവിഡ് വ്യാപനം തടയാൻ കർശന നിയന്ത്രണങ്ങൾ വേണമെന്ന് ഐ.എം.എ
തെരഞ്ഞെടുപ്പുമായി ബന്ധപ്പെട്ട് കൊവിഡ് നിബന്ധനകള്‍ പാലിക്കുന്നതില്‍ കാര്യമായ വീഴ്ചയുണ്ടായിട്ടുണ്ട്. അതിൻ്റെ ഫലം കൂടിയാണ് ഇന്നത്തെ തീവ്ര രോഗവ്യാപനം. കടുത്ത നിയന്ത്രണങ്ങളിലൂടെ മാത്രമേ മേയ് രണ്ടാം തീയതി വോട്ടെണ്ണല്‍ പ്രക്രിയ നടത്താവൂ എന്നും ഐ.എം.എ ആവശ്യപ്പെട്ടു.