തിരുവനന്തപുരം: വിധിക്ക് ശരീരത്തെ തോൽപ്പിക്കാൻ കഴിയും. എന്നാൽ സ്വപ്നം കാണുന്ന മനസിനെ തോൽപ്പിക്കാൻ കഴിയില്ല. തിരുവനന്തപുരത്ത് നടക്കുന്ന കുട്ടികളുടെ ചലച്ചിത്രോത്സവത്തിൽ സജീവമായി പങ്കെടുക്കുന്ന കാർത്തിക്കിന്‍റെ ജീവിതം നൽകുന്ന സന്ദേശമിതാണ്. തിരുവനന്തപുരം ജില്ലയിലെ മലയോര മേഖലയായ കല്ലാറിൽ നിന്നും വിധിക്ക് കീഴടങ്ങാതെ പോരാടി എത്തിയതാണ് കാർത്തിക് എന്ന പത്താം ക്ലാസുകാരൻ. ജന്മനാ ശരീരത്തിന് ചലന ശേഷിയില്ല. അച്ഛൻ ഉപേക്ഷിച്ചു പോയി. അമ്മ മറ്റൊരു വിവാഹം കഴിച്ചു. എന്നാൽ അപ്പൂപ്പന്‍റേയും അമ്മൂമ്മയുടേയും സഹായത്തോടെ തന്‍റെ സ്വപ്നങ്ങള്‍ക്ക് പിന്നാലെയാണ് കാർത്തിക്. ഐ സി എഫ് എഫ് കെയിലെ വേദികളിൽ സംഘാടകരുടെ സഹായത്തോടെ പരമാവധി സിനിമകൾ കണ്ട് തന്‍റെ സിനിമാ സ്വപ്നങ്ങളെ നെയ്തെടുക്കുകയാണ് കാര്‍ത്തിക്.
വിധിയെ തോല്‍പ്പിച്ച് കാര്‍ത്തിക് കുട്ടികളുടെ ചലച്ചിത്രോത്സവത്തില്‍