തിരുവനന്തപുരം: കൊവിഡ് രോഗവ്യാപനം തടയാൻ ഏർപ്പെടുത്തിയ ലോക് ഡൗണിൽ പ്രതിസന്ധിയിലായത് 60 വയസ് കഴിഞ്ഞവരാണ്. മിക്കവരും വാര്‍ധക്യസഹജമായ അസുഖങ്ങളുള്ളവര്‍. പുറത്തിറങ്ങി മരുന്നുകളും മറ്റ് അവശ്യസാധനങ്ങളും വാങ്ങാന്‍ സാധിക്കാത്തവര്‍. ഇവര്‍ക്ക് കൈത്താങ്ങായി രംഗത്തെത്തിയിരിക്കുകയാണ് സംസ്ഥാന യുവജനക്ഷേമ ബോർഡ്. യുവജനക്ഷേമ ബോർഡിന്‍റെ സഹായമാവശ്യപ്പെട്ട് ഒരു ദിവസം 500 ഫോൺ കോളുകളെങ്കിലും നഗരത്തിന്‍റെ പല ഭാഗങ്ങളിൽ നിന്നും വരാറുണ്ടെങ്കിലും പ്രായമായവർക്കും സഹായിക്കാൻ ആരുമില്ലാത്തവർക്കും മരുന്നുകൾ എത്തിച്ചു നൽകുന്നതിനാണ് മുൻഗണന നൽകുന്നതെന്ന് തിരുവനന്തപുരം നഗരസഭ യൂത്ത് കോ-ഓഡിനേറ്റർ വി.സുന്ദർ അറിയിച്ചു.
അശരണർക്ക് ആശ്വാസമായി സംസ്ഥാന യുവജനക്ഷേമ ബോർഡ്