തിരുവനന്തപുരം :പത്ത് വര്‍ഷങ്ങള്‍ക്കിടെ സംസ്ഥാനത്തിന്‍റെ പ്രകൃതിയില്‍ ഉണ്ടായത് അപകടകരമായ മാറ്റമെന്ന് പ്രമുഖ പരിസ്ഥിതി ശാസ്ത്രജ്ഞന് സുഭാഷ് ചന്ദ്രബോസ്. സംസ്ഥാനത്തുണ്ടാകുന്ന തുടര്‍ വെള്ളപ്പൊക്കങ്ങള്‍ക്കും കെടുതികള്‍ക്കും പിന്നില്‍ പ്രകൃതിയില്‍ മനുഷ്യന്‍ നടത്തുന്ന കൈകടത്തലുകളുടെ സ്വാധീനമാണെന്നും അദ്ദേഹം വ്യക്തമാക്കി.
'നമ്മുടെ പ്രകൃതിയില്‍ അപകടകരമായ മാറ്റം' ; കടന്നുകയറ്റങ്ങളുടെ വിപത്തെന്ന് പരിസ്ഥിതി ശാസ്ത്രജ്ഞന് സുഭാഷ് ചന്ദ്രബോസ്
ദേശീയ ശരാശരിയേക്കാള്‍ 3000 മില്ലീമീറ്ററിലധികം മഴ ലഭിക്കുന്ന സംസ്ഥാനമാണ് കേരളം. അതിനാല്‍ തന്നെ പ്രകൃതിയുടെ ജൈവിക ഘടനയില്‍ മനുഷ്യന്‍റെ ഇടപെടല്‍ മൂലമുണ്ടാകുന്ന മാറ്റം മഴക്കാലത്ത് വിപത്താണ് സൃഷ്ടിക്കുന്നത്. അറബിക്കടലിലെ കാലാവസ്ഥാവ്യതിയാനമാണ് സംസ്ഥാനത്ത് കൂടുതലായി മഴ ലഭിക്കാന്‍ കാരണം.