തിരുവനന്തപുരം : സി എം ആർ എൽ കമ്പനിക്ക് സേവനങ്ങൾ നൽകിയതിലൂടെ വീണ വിജയന്‍റെ എക്‌സാലോജിക്കിന് ലഭിച്ച 1.72 കോടി രൂപയ്ക്ക് കമ്പനി ഐജിഎസ്‌ടി അടച്ചോ എന്ന ചോദ്യത്തിന് മറുപടി നൽകാതെ ജി എസ് ടി വകുപ്പ്. വ്യക്തികളുടെ സ്വകാര്യത മാനിച്ച് മറുപടി നൽകാൻ കഴിയില്ല എന്നാണ് ജി എസ് ടി വകുപ്പ് അറിയിച്ചത്. കേരള സ്വതന്ത്ര തൊഴിലാളി യൂണിയൻ നേതാവ് സെബാസ്റ്റ്യൻ പാലക്കത്തറ വിവരാവകാശ നിയമപ്രകാരം നൽകിയ ചോദ്യത്തിനായിരുന്നു മറുപടി (GST Department Refuses to Reply on RTI query On Exalogic Company)
അതേസമയം നികുതി അടച്ചിട്ടുണ്ടോ എന്ന ചോദ്യത്തിന് ഉണ്ടെന്നോ ഇല്ലെന്നോ മറുപടി നൽകുന്നത് സ്വകാര്യതയെ ലംഘിക്കില്ലെന്നാണ് ഈ രംഗത്തെ വിദഗ്‌ധര്‍ പറയുന്നത്. ഒന്നാം പിണറായി സർക്കാരിന്‍റെ കാലത്ത് ദീർഘകാലമായി നികുതിയടയ്‌ക്കാത്തവരുടെ പട്ടിക പോലും ജി എസ് ടി വകുപ്പിന്‍റെ വെബ്സൈറ്റിൽ പ്രസിദ്ധീകരിച്ചിരുന്നു.