വിദ്യാർഥികൾക്ക് സിറ്റി ഫാസ്റ്റ്, ജൻറം നോൺ എസി ബസുകളിൽ കൂടി കൺസെഷൻ

ഓർഡിനറി ബസുകളുടെ അഭാവം മൂലം വിദ്യാർഥികൾ അനുഭവിക്കുന്ന യാത്രാക്ലേശം ശ്രദ്ധയിൽ പെട്ടതിനെ തുടർന്നാണ് ഗതാഗത മന്ത്രിയുടെ നടപടി.

തിരുവനന്തപുരം: കെഎസ്ആർടിസി ഓർഡിനറി ബസുകളുടെ കുറവുമൂലം വിദ്യാർഥികൾക്ക് താൽക്കാലികമായി സിറ്റി ഫാസ്റ്റ്, ജൻറം നോൺ എസി ബസുകളിൽ കൂടി കൺസെഷൻ അനുവദിച്ചു. നിലവിലുള്ള കൺസെഷൻ കാർഡ് ഉപയോഗിച്ച് തന്നെ യാത്ര ചെയ്യാവുന്നതാണ്. ഓർഡിനറി ബസുകളുടെ അഭാവം മൂലം വിദ്യാർഥികൾ അനുഭവിക്കുന്ന യാത്രാക്ലേശം ശ്രദ്ധയിൽ പെട്ടതിനെ തുടർന്നാണ് ഗതാഗത മന്ത്രിയുടെ നടപടി.