തിരുവനന്തപുരം: തിരിമറി നടത്തിയ തുക ഉദ്യോഗസ്ഥന്‍റെ ശമ്പളത്തില്‍ നിന്ന് തിരികെ പിടിക്കാൻ ലോകായുക്ത ഉത്തരവ്. പട്ടിക വര്‍ഗക്കാരുടെ ഭക്ഷ്യ പദ്ധതിയില്‍ നിന്നും തുക തട്ടിയെടുത്ത ട്രൈബല്‍ ഓഫിസര്‍ മാത്യു ജോര്‍ജിനെതിരെയാണ് നടപടി. നന്ദിയോടെ 115 കുടുംബങ്ങള്‍ക്ക് ഭക്ഷ്യധാന്യത്തിനായി വിനിയോഗിക്കേണ്ട 1,15,240 രൂപയാണ് ഇയാള്‍ കൈകലാക്കിയത്.
2007ലാണ് പട്ടികവര്‍ഗ വികസന വകുപ്പിന്‍റെ ട്രൈബല്‍ എക്സ്റ്റന്‍ഷന്‍ ഓഫിസ് ഭക്ഷണ വിതരണ പദ്ധതി ആരംഭിച്ചത്. അരി, ചെറുപയര്‍, വെളിച്ചെണ്ണ തുടങ്ങിയ അവശ്യ വസ്തുക്കളാണ് പദ്ധതിയിലൂടെ കുടുംബങ്ങള്‍ക്ക് ലഭിച്ചിരുന്നത്. ഈ സാധനങ്ങള്‍ പാലോട് സര്‍വീസ് ബാങ്കില്‍ നിന്നും വാങ്ങി കുടുംബങ്ങള്‍ക്ക് വിതരണം ചെയ്യുന്നതിന് എക്സ്റ്റന്‍ഷന്‍ ഓഫിസര്‍ മാത്യൂ ജോര്‍ജിന് പട്ടികവര്‍ഗ വികസന വകുപ്പ് 1,15,240 രൂപ മുന്‍കൂറായി നല്‍കിയിരുന്നു.