തിരുവനന്തപുരം: അതിഥി തൊഴിലാളികളെ നാട്ടിലെത്തിക്കാനുള്ള ആദ്യ നോണ്‍ സ്‌റ്റോപ്പ് ട്രെയിന്‍ ഇന്ന് പുറപ്പെടും. വൈകിട്ട് ആറ് മണിക്ക് ആലുവയില്‍ നിന്ന് ഒഡിഷയിലേക്കാണ് ആദ്യ ട്രെയിന്‍. 1,200 തൊഴിലാളികളെയാണ് കൊണ്ടുപോവുക. സാമൂഹിക അകലം ഉള്‍പ്പെടെ പാലിച്ചായിരിക്കും യാത്ര. പരീക്ഷണ അടിസ്ഥാനത്തിലാണ് സര്‍വീസ്. വിജയമാണെന്ന് കണ്ടാല്‍ നാളെ അഞ്ച് നോണ്‍ സ്‌റ്റോപ്പ് ട്രെയിനുകള്‍ വിവിധ സംസ്ഥാനങ്ങളിലേക്ക് സര്‍വീസ് നടത്തും. യാത്ര സൗജന്യമല്ലെന്ന് റെയില്‍വെ അറിയിച്ചു. യാത്ര ചെയ്യേണ്ട അതിഥി തൊഴിലാളികളെ മുന്‍ഗണന അനുസരിച്ച് ജില്ലാ ഭരണകൂടത്തിന്‍റെ നേതൃത്വത്തില്‍ തെരഞ്ഞെടുക്കുമെന്ന് ആഭ്യന്തര അഡീഷണല്‍ ചീഫ് സെക്രട്ടറി ബിശ്വാസ് മേത്ത അറിയിച്ചു. തൊഴിലാളികള്‍ തിരക്കുകൂട്ടാതെ സഹകരിക്കണമെന്നും ബിശ്വാസ് മേത്ത പറഞ്ഞു.
അതിഥി തൊഴിലാളികൾക്കായി ആദ്യ നോണ്‍ സ്‌റ്റോപ്പ് ട്രെയിന്‍ ഇന്ന് പുറപ്പെടും