തിരുവനന്തപുരം:യുക്രൈൻ രക്ഷാദൗത്യത്തിൻ്റെ ഭാഗമായി 27 മലയാളി വിദ്യാർഥികളുമായി ആദ്യവിമാനം ഇന്ന് (ശനി) വൈകിട്ട് 6.40ന് മുംബൈയിലെത്തും. സാങ്കേതിക തടസങ്ങൾ ഉണ്ടായാൽ സമയക്രമത്തിൽ ചിലപ്പോൾ മാറ്റം ഉണ്ടായേക്കാമെന്നും നോർക്ക റൂട്സ് റസിഡൻ്റ് വൈസ് ചെയർമാൻ പി. ശ്രീരാമകൃഷ്‌ണൻ പറഞ്ഞു.
ഞായറാഴ്ച പുലർച്ചെ 2.30ന് എത്തുന്ന രണ്ടാമത്തെ വിമാനത്തിൽ 17 മലയാളികൾ എത്തുമെന്നും അദ്ദേഹം അറിയിച്ചു. മുംബൈയിലും ഡൽഹിയിലും എത്തുന്ന മലയാളികളെ സംസ്ഥാന സർക്കാർ സൗജന്യമായി കേരളത്തിൽ എത്തിക്കും. രക്ഷാദൗത്യവുമായി ബന്ധപ്പെട്ട് ഡൽഹിയിലും മുംബൈയിലും നോർക്കയുടെ ടാസ്‌ക് ഫോഴ്‌സ് രൂപീകരിച്ചു.
ആദ്യവിമാനത്തില്‍ മലയാളികള്‍ 27 പേര്‍: രക്ഷാദൗത്യം ഒഴാഴ്ചയ്ക്കകം പൂര്‍ത്തിയാക്കും