തിരുവനന്തപുരം :മുട്ടത്തറയിൽ ഇരുചക്രവാഹനങ്ങൾ വാടകയ്ക്ക് നൽകുന്ന ഷോറൂമിൽ വൻ തീപിടിത്തം. 32 ബൈക്കുകൾ കത്തി നശിച്ചു. ഷോർട്ട് സർക്യൂട്ട് മൂലമാണ് അപകടമെന്നാണ് പ്രാഥമിക നിഗമനം. പുലർച്ചെ 4 മണിയോടെയായിരുന്നു അപകടം.
മുട്ടത്തറ കല്ലുമൂട്ടിൽ സ്ഥിതി ചെയുന്ന ഒണിക്‌സ് ടവറിന്‍റെ താഴത്തെ നിലയിലാണ് തീ പടർന്നത്. റോയൽ ബ്രദേഴ്‌സ് ബൈക്ക് റെന്‍റൽ എന്ന സ്ഥാപനത്തിന്‍റെ പുതുതായി പ്രവർത്തനം ആരംഭിക്കാനിരുന്ന ഷോറൂമാണ് കത്തി നശിച്ചത്. അടുത്ത മാസമാണ് ഉദ്ഘാടനം നിശ്ചയിച്ചിരുന്നത്.
തിരുവനന്തപുരത്ത് ബൈക്ക് ഷോറൂമിൽ തീപിടിത്തം, 32 വാഹനങ്ങള്‍ കത്തിനശിച്ചു