തിരുവനന്തപുരം: തിരുവനന്തപുരം ചാല മാര്‍ക്കറ്റില്‍ തീപിടിത്തം. മഹാദേവ ടോയ്‌സ് എന്ന സ്ഥാപനത്തിലാണ് അഗ്നിബാധയുണ്ടായത്. കെട്ടിടത്തിന്‍റെ മൂന്നാം നിലയിലാണ് തീ പടര്‍ന്നത്. ഗോഡൗണ്‍ ആയി ഉപയോഗിച്ചിരുന്ന സ്ഥലത്ത് വൈകിട്ട് അഞ്ച് മണിയോടെയായിരുന്നു സംഭവം. ലോക്ക്ഡൗണിനെ തുടര്‍ന്ന് ചാല മാര്‍ക്കറ്റിലെ കടകള്‍ അടഞ്ഞുകിടന്നതിനാല്‍ ആളപായമൊഴിവായി.
തിരുവനന്തപുരം ചാല മാര്‍ക്കറ്റില്‍ തീപിടിത്തം തിരുവനന്തപുരത്ത് നിന്നുള്ള എട്ട് അഗ്നിശമനസേന യൂണിറ്റുകള്‍ എത്തിയാണ് തീ നിയന്ത്രണ വിധേയമാക്കിയത്. കെട്ടിടത്തില്‍ നിന്നും പുക ഉയരുന്നത് ശ്രദ്ധയില്‍പെട്ട സമീപവാസികളാണ് അഗ്നി ശമന സേനയെ വിവരം അറിയിച്ചത്. ഗതാഗതമന്ത്രി ആന്‍റണി രാജു, ജില്ല കലക്‌ടര്‍ നവജ്യോത് ഖോസ, മേയര്‍ ആര്യ രാജേന്ദ്രന്‍ എന്നിവര്‍ സംഭവസ്ഥലത്തെത്തിയിരുന്നു. തീ പടരാനിടയാക്കിയ കാരണം പരിശോധിക്കുമെന്ന് മന്ത്രിയും കലക്‌ടറും പറഞ്ഞു.
