ഇന്നലെ മാത്രം രണ്ടായിരത്തിലധികം പത്രികകൾ; തെരഞ്ഞെടുപ്പ് ചൂടിൽ തലസ്ഥാനം

സംസ്ഥാനത്ത് മൂന്ന് ഘട്ടങ്ങളിലായാണ് തെരഞ്ഞെടുപ്പ് നടക്കുന്നത്. ആദ്യഘട്ടം ഡിസംബർ എട്ടിന് നടക്കും

തിരുവനന്തപുരം: തദ്ദേശ സ്വയംഭരണ സ്ഥാപന തെരഞ്ഞെടുപ്പിനായി തിരുവനന്തപുരം ജില്ലയിൽ ഇന്നലെ മാത്രം ലഭിച്ചത് 2,682 നാമനിർദേശ പത്രികകൾ. വിവിധ ഗ്രാമപഞ്ചായത്ത് വാർഡുകളിലേക്ക് 2,060 പേർ പത്രിക സമർപ്പിച്ചു. ബ്ലോക്ക് പഞ്ചായത്ത് വാർഡുകളിലേക്ക് 177 പേരും ജില്ലാ പഞ്ചായത്ത് വാർഡുകളിലേക്ക് 41 പേരും പത്രിക നൽകി. തിരുവനന്തപുരം കോർപ്പറേഷനിലെ വിവിധ വാർഡുകളിലേക്കായി 156 പേർ പത്രിക സമർപ്പിച്ചു. 248 പേരാണ് നഗരസഭകളിലേക്ക് പത്രിക നൽകിയത്.