തിരുവനന്തപുരത്ത് 48 മണിക്കൂർ സമ്പൂർണ മദ്യനിരോധനം

ഞായറാഴ്ച വൈകിട്ട് ആറുമുതൽ 48 മണിക്കൂർ ജില്ലയിൽ സമ്പൂർണ്ണ മദ്യനിരോധനം ഏർപ്പെടുത്തി ജില്ലാ കലക്ടർ ഉത്തരവിറക്കി.

തിരുവനന്തപുരം: തദ്ദേശ തെരഞ്ഞെടുപ്പിന്‍റെ പശ്ചാത്തലത്തിൽ ഞായറാഴ്ച വൈകിട്ട് ആറുമുതൽ 48 മണിക്കൂർ ജില്ലയിൽ സമ്പൂർണ മദ്യനിരോധനം ഏർപ്പെടുത്തി ജില്ല കലക്ടർ ഡോ. നവജ്യോത് ഖോസ ഉത്തരവിറക്കി. വോട്ടെണ്ണൽ ദിനമായ ഡിസംബർ 16നും ജില്ലയിൽ സമ്പൂർണ മദ്യനിരോധനം ആയിരിക്കും. തെരഞ്ഞെടുപ്പിന്‍റെ സുഗമമായ നടത്തിപ്പിന് എല്ലാവരുടെയും സഹകരണം വേണമെന്നും ജില്ല കലക്ടർ അഭ്യര്‍ഥിച്ചു.