തിരുവനന്തപുരം:കടുത്ത സാമ്പത്തിക മാന്ദ്യത്തിനിടയിലും സാമ്പത്തിക വളര്‍ച്ചയില്‍ കേരളം ദേശീയ ശരാശരിക്കും മുന്നിലെന്ന് ബജറ്റിന് മുന്നോടിയായി ധനമന്ത്രി തോമസ് ഐസക്ക് നിയമസഭയുടെ മേശപ്പുറത്ത് വച്ച സാമ്പത്തിക അവലോക റിപ്പോര്‍ട്ട്. ആകെ ആഭ്യന്തര ഉത്പാദനം (ജി.ഡി.പി) 7.3 ശതമാനത്തില്‍ നിന്ന് കഴിഞ്ഞ സാമ്പത്തിക വര്‍ഷം 7.5 ശതമാനമായി വര്‍ധിച്ചതായി അവലോകന റിപ്പോര്‍ട്ട് വ്യക്തമാക്കുന്നു. 1.48 ലക്ഷം രൂപയാണ് കേരളത്തിന്‍റെ ആളോഹരി വരുമാനം. എന്നാല്‍ ദേശീയതലത്തില്‍ ഇത് 93,655 രൂപ മാത്രമാണ്. രാജ്യത്ത് ആളോഹരി വരുമാനം ഏറ്റവും കൂടതലുള്ള ഹരിയാന, ഗുജറാത്ത്, കര്‍ണാടക, മാഹാരാഷ്ട്ര, തമിഴ്‌നാട് എന്നിവയ്‌ക്കൊപ്പമാണ് കേരളവും എത്തിയിരിക്കുന്നതെന്നാണ് സാമ്പത്തിക അവലോകനം വ്യക്തമാക്കുന്നത്.
സാമ്പത്തിക അവലോകന റിപ്പോര്‍ട്ട്; കേരളം ദേശീയ ശരാശരിക്ക് മുകളില്‍