തിരുവനന്തപുരം: ഇലക്ട്രിക് ഓട്ടോകൾക്ക് നൽകിയ നികുതിയിളവ് ഗുണം ചെയ്യും എന്ന കണക്ക് കൂട്ടലിലാണ് കേരളാ ഓട്ടോ മൊബൈൽ ലിമിറ്റഡ് എന്ന പൊതുമേഖല സ്ഥാപനം. ഇലക്ട്രിക് വാഹനങ്ങളെ പ്രോത്സാഹിപ്പിക്കുന്നതിനായി സർക്കാർ ബജറ്റില്‍ നികുതിയിളവുകൾ പ്രഖ്യാപിച്ചിരുന്നു. ഇലക്ട്രിക് ഓട്ടോകളുടെ ആദ്യ അഞ്ചു വർഷത്തെ നികുതി പൂർണമായും ഒഴിവാക്കി. പുതുതായി വാങ്ങുന്ന ഇലക്ട്രിക് കാറുകൾ, ഇലക്ട്രിക് മോട്ടോർ സൈക്കിളുകൾ എന്നിവക്ക് ഒറ്റത്തവണ നികുതി അഞ്ച് ശതമാനമായി നിജപ്പെടുത്തുകയും ചെയ്തിട്ടുണ്ട്. ധനമന്ത്രിയുടെ ഈ പ്രഖ്യാപനം ഗുണമാകും എന്ന കണക്കുകൂട്ടലിലാണ് പൊതുമേഖലാ സ്ഥാപനമായ കേരള ഓട്ടോമൊബൈൽസ് ലിമിറ്റഡ്.
ഇലക്ട്രിക് ഓട്ടോകള്‍ക്ക് നികുതിയിളവ് പ്രഖ്യാപനം; പ്രതീക്ഷയോടെ കെ.എ.എല്‍