തിരുവനന്തപുരം:ദേശീയ പൗരത്വ ഭേദഗതി നിയമത്തിനെതിരെ സംസ്ഥാന വ്യാപകമായി പ്രതിഷേധം സംഘടിപ്പിച്ച് സി.പി.എം. ഏരിയാ കേന്ദ്രങ്ങളില്‍ കേന്ദ്രസർക്കാർ ഓഫീസിന് മുന്നിലാണ് സിപിഎം പ്രതിഷേധം സംഘടിപ്പിച്ചത്. തിരുവനന്തപുരം ജനറൽ പോസ്റ്റ് ഓഫീസിനു മുന്നിൽ സംഘടിപ്പിച്ച പ്രതിഷേധ മാർച്ചും ധർണയും സി.പി.എം സംസ്ഥാന സെക്രട്ടറിയേറ്റംഗം ആനത്തലവട്ടം ആനന്ദൻ ഉദ്ഘാടനം ചെയ്‌തു. മോദി സർക്കാർ കൊണ്ടുവരുന്നത് പൗരത്വ ഭേദഗതി നിയമമല്ല, മുസ്ലീങ്ങളെ ഒഴിവാക്കാനുള്ള നിയമമാണെന്ന് ആനത്തലവട്ടം ആനന്ദൻ പറഞ്ഞു.
പൗരത്വ ഭേദഗതി നിയമത്തിനെതിരെ പ്രതിഷേധവുമായി സി.പി.എം