തിരവനന്തപുരം: കൊവിഡ് ബാധിച്ച് ആശുപത്രിയിൽ പ്രവേശിപ്പിക്കുന്നവരുടെ എണ്ണം 25 ശതമാനത്തിലേക്ക് എത്തിയതോടെ തിരുവനന്തപുരം ജില്ലയെ ബി കാറ്റഗറിയിലേക്ക് മാറ്റി. എന്നാല്‍ മറ്റ് നിയന്ത്രണങ്ങള്‍ തുടരും. ഇന്ന് (ഞായറാഴ്‌ച) അവശ്യ സര്‍വീസുകള്‍ക്ക് മാത്രമാണ് അനുമതി.
തിങ്കളാഴ്‌ച മുതല്‍ 10, 11, 12 ക്ലാസുകൾ, ഡിഗ്രി - പിജി ക്ലാസുകൾ, ട്യൂഷൻ സെൻ്ററുകൾ എന്നിവ ഓഫ്‌ ലൈനായി നടത്താമെന്ന്‌ സര്‍ക്കാര്‍ അറിയിച്ചിട്ടുണ്ട്.
ഒന്ന് മുതൽ ഒന്‍പത് വരെയുള്ള ക്ലാസുകൾക്ക് ഈ മാസം 14ന് ഓഫ്‌ലൈന്‍ ക്ലാസുകൾ പുനരാരംഭിക്കും. ആരാധനാലയങ്ങളില്‍ ഇന്ന്(ഞായര്‍) മുതല്‍ 20 പേരെ ഉൾപ്പെടുത്താൻ അനുമതിയുണ്ട്. എന്നാൽ വിവാഹം, മരണം തുടങ്ങിയ ചടങ്ങുകളില്‍ പങ്കെടുക്കാവുന്നരുടെ എണ്ണം 20 ആയി തന്നെ തുടരും. തിയേറ്ററുകൾ, ജിമ്മുകൾ എന്നിവ തുറന്ന് പ്രവർത്തിക്കാനും അനുമതിയുണ്ട്.