തിരുവനന്തപുരം:കെപിസിസി പുനസംഘടനയുമായി ബന്ധപ്പെട്ട കെ.മുരളീധരന്‍റെ വിമര്‍ശനങ്ങള്‍ക്ക് മറുപടിയുമായി കോണ്‍ഗ്രസ് നേതാക്കള്‍ രംഗത്ത്. കെപിസിസി ഭാരവാഹി പട്ടിക മികച്ചതാണെന്ന് എഐസിസി ജനറല്‍ സെക്രട്ടറി കെ.സി വേണുഗോപാല്‍ പറഞ്ഞു. കാര്യപ്രാപ്തിയുള്ളവരെയാണ് ഭാരവാഹികള്‍ ആക്കിയത്. വിമര്‍ശനങ്ങള്‍ പാര്‍ട്ടി ഫോറങ്ങളിലാണ് വേണ്ടത്. മോഹന്‍ ശങ്കറിനെ ഭാരവാഹിയാക്കിയതില്‍ തെറ്റില്ല. അദ്ദേഹം ആര്‍. ശങ്കറിന്‍റെ മകനാണ് ആ പാരമ്പര്യം മറക്കരുതെന്നും വേണുഗോപാല്‍ പറഞ്ഞു.
കോൺഗ്രസ് പുനഃസംഘടന; കെ മുരളീധരന് മറുപടിയുമായി കോൺഗ്രസ് നേതാക്കൾ