27th IFFK| രണ്ടാം ദിനവും ഡെലിഗേറ്റുകളുടെ വന്‍ പങ്കാളിത്തം; മത്സരവിഭാഗം ചിത്രങ്ങളുടെ പ്രദര്‍ശനം ഇന്ന് മുതല്‍

27മത് രാജ്യാന്തര ചലച്ചിത്ര മേളയുടെ രണ്ടാം ദിനമായ ഇന്നും വിവിധ രാജ്യങ്ങളില്‍ നിന്നുള്ള ഡെലിഗേറ്റുകളുടെ വന്‍ തിരക്ക്.

തിരുവനന്തപുരം: രാജ്യാന്തര ചലച്ചിത്ര മേളയുടെ രണ്ടാം ദിനമായ ഇന്നും ഡെലിഗേറ്റുകളുടെ വലിയ പങ്കാളിത്തം. മത്സരവിഭാഗത്തിലുള്ള ചിത്രങ്ങളുടെ പ്രദര്‍ശനം ഇന്ന് മുതലാണ് ആരംഭിക്കുന്നത്. മൂന്ന് ചിത്രങ്ങളാണ് ഈ വിഭാഗത്തില്‍ ഇന്ന് സ്ക്രീനിലെത്തുന്നത്.

മഹേഷ് നാരായണൻ സംവിധാനം ചെയ്‌ത മലയാള ചിത്രമായ അറിയിപ്പിന്‍റെ ഇന്ത്യയിലെ തന്നെ ആദ്യ സ്ക്രീനിങ് ഉച്ചയ്ക്ക് 2.30ന് ടാഗോര്‍ തിയേറ്ററില്‍ ആരംഭിച്ചു. മേളയുടെ അനുഭവങ്ങള്‍ ഡെലിഗേറ്റുകൾ ഇടിവി ഭാരതുമായി പങ്ക് വയ്ക്കുന്നു.