ആലപ്പുഴ: മട വീണ കൈനകരി കനകാശേരി പാടശേഖരം ജില്ലാ കലക്ടർ എ. അലക്‌സാണ്ടർ സന്ദർശിച്ചു സ്ഥിതിഗതികൾ വിലയിരുത്തി. മട വീണതോടെ കനകാശേരി പാടശേഖരത്തിലും ഈ പാടശേഖരത്തോട് ചേർന്നുള്ള മീനപ്പള്ളി, വലിയകരി പാടശേഖരങ്ങളിലും വെള്ളം കയറി. പ്രദേശവാസികളിൽ നിന്നും വിവരങ്ങൾ ചോദിച്ചറിഞ്ഞ കലക്ടർ ദ്രുതഗതിയിൽ ആവശ്യമായ നടപടികൾ സ്വീകരിക്കാൻ ഇറിഗേഷൻ വകുപ്പ് ഉദ്യോഗസ്ഥർക്ക് നിർദ്ദേശം നൽകി. പാടശേഖരത്തിന്‍റെ സമീപ പ്രദേശങ്ങളിലെ വീടുകളിൽ വെള്ളം കയറിയിട്ടുണ്ടെന്ന് സമീപവാസികൾ കലക്ടറോട് പറഞ്ഞു.
മട വീഴ്ച്ച: കനകാശേരി പാടശേഖരം ജില്ല കളക്ടർ സന്ദർശിച്ചു