അതിഥി തൊഴിലാളികളെ നാട്ടിലേക്ക് വിടാനാകില്ലെന്ന് മുഖ്യമന്ത്രി

അതിഥി തൊഴിലാളികളുടെ സുരക്ഷ ഉറപ്പാക്കാൻ ഐഎഎസ് ഉദ്യോഗസ്ഥനെ ചുമതലപ്പെടുത്തിയിട്ടുണ്ടെന്ന് മുഖ്യമന്ത്രി

തിരുവനന്തപുരം: ഇതര സംസ്ഥാന തൊഴിലാളികളെ ഇപ്പോൾ നാട്ടിലേക്കയക്കാനാവില്ലെന്ന് മുഖ്യമന്ത്രി പിണറായി വിജയൻ. നിലവിലെ സാഹചര്യത്തിൽ അത്തരത്തിലുള്ള നീക്കങ്ങൾ പ്രതിരോധ നടപടികളെ അട്ടിമറിക്കും. അതിഥി തൊഴിലാളികളുടെ സുരക്ഷയും ക്ഷേമവും ഉറപ്പാക്കാൻ മുതിർന്ന ഐഎഎസ് ഉദ്യോഗസ്ഥനെ ചുമതലപ്പെടുത്തിയിട്ടുണ്ടെന്നും മുഖ്യമന്ത്രി ട്വിറ്ററിലൂടെ അറിയിച്ചു. കൂടാതെ തൊഴിലാളികളെ ബോധവൽക്കരിക്കുന്നതിനായി ബ്രോഷറുകളും ഹ്രസ്വചിത്രങ്ങളും ഹിന്ദി, ഒറിയ, ബെംഗാളി തുടങ്ങിയ ഭാഷകളിൽ പ്രചരിപ്പിക്കുമെന്നും അദ്ദേഹം അറിയിച്ചു.