തിരുവനന്തപുരം: ആറ്റുകാല്‍ പൊങ്കാല മഹോത്സവം നാളെ (17.02.22) നടക്കും. കൊവിഡ്‌ സാഹചര്യം പരിഗണിച്ച് ക്ഷേത്രാങ്കണത്തില്‍ മാത്രമായിരിക്കും പൊങ്കാല. ഭക്തര്‍ വീടുകളില്‍ പൊങ്കാലയര്‍പ്പിക്കണണെന്ന് ക്ഷേത്രം ട്രസ്റ്റ് അഭ്യര്‍ഥിച്ചു.
പണ്ടാര അടുപ്പില്‍ മാത്രമേ നിവേദിക്കലുണ്ടാകൂ. വീടുകളില്‍ പൊങ്കാലയര്‍പ്പിക്കുന്നവര്‍ സ്വയം നിവേദിക്കണമെന്ന് ട്രസ്റ്റ് അറിയിച്ചു. കൊവിഡ്‌ പശ്ചാത്തലത്തില്‍ ഇത്‌ തുടര്‍ച്ചയായ രണ്ടാം തവണയാണ് പൊങ്കാല വീടുകളില്‍ തന്നെ ഒതുങ്ങുന്നത്.