തിരുവനന്തപുരം ആര്‍ട്‌സ് കോളജിലും എസ്എഫ്‌ഐയുടെ ഭീഷണിയെന്ന് പരാതി
സര്‍ക്കാറിന്‍റെ വനിതാമതിലും യൂണിയന്‍റെ പരിപാടികളിലും പങ്കെടുക്കാത്തതിനാണ് വിദ്യാർഥികളെ ഭീഷണിപ്പെടുത്തിയത്
ആര്‍ട്‌സ് കോളജിലും എസ്എഫ്‌ഐയുടെ ഭീഷണിയെന്ന് പരാതി
തിരുവനന്തപുരം:യൂണിവേഴ്സിറ്റി കോളജിലെ എസ്എഫ്ഐ പ്രവർത്തകരുടെ അതിക്രമത്തിന് പിന്നാലെ ആര്‍ട്‌സ് കോളജിലും എസ്എഫ്‌ഐയുടെ ഭീഷണി പതിവെന്ന് വിദ്യാർഥികളുടെ പരാതി. വിദ്യാർഥികളെ യൂണിയന്‍ ഓഫീസില്‍ വിളിച്ചു വരുത്തി ഭീഷണിപ്പെടുത്തുന്ന ഓഡിയോ സന്ദേശം പുറത്ത്.
മോശമായ ഭാഷയില്‍ അധിക്ഷേപിക്കലും ഭീഷണിപ്പെടുത്തലും പതിവാണെന്ന് വിദ്യാർഥികള്‍ പരാതിപ്പെടുന്നു. സര്‍ക്കാറിന്‍റെ വനിതാമതിലും യൂണിയന്‍റെ പരിപാടികളിലും പങ്കെടുക്കാത്തതിനാണ് വിദ്യാർഥികളെ ഭീഷണിപ്പെടുത്തിയത്. സഹിക്കാവുന്നതിലധികം ഭീഷണിയായപ്പോഴാണ് ശബ്ദം റെക്കോഡ് ചെയ്ത് പുറം ലോകത്തെ അറിയിക്കുന്നതെന്ന് വിദ്യാർഥികള്‍ പറഞ്ഞു. കോളജ് യൂണിന്‍ ചെയര്‍മാന്‍ സമീറിന്‍റെ നേതൃത്വത്തിലാണ് വിദ്യാർഥികളെ ഭീഷണിപ്പെടുത്തുന്നത്. യൂണിവേഴ്സിറ്റി കോളജിന് സമാനമായി ആർട്‌സ് കോളജിലും എസ്എഫ്ഐ മാത്രമാണ് പ്രവര്‍ത്തിക്കുന്നത്.