തിരുവനന്തപുരം: റെക്കോഡ് വേഗത്തിൽ ഷൂട്ടിങ് പൂർത്തിയാക്കിയ ചിത്രം 'എഗൈൻ ജിപിഎസ്' റിലീസിനൊരുങ്ങുന്നു. ആറ് ദിവസം കൊണ്ട് ചിത്രീകരിച്ച ഈ സിനിമ മെയ്‌ 26 ന് തിയറ്ററുകളിലെത്തും. പുത്തൻ പടം സിനിമാസിന്‍റെ ബാനറിൽ അമൻ റാഫിയാണ് ചിത്രത്തിന്‍റെ കഥയും തിരക്കഥയും സംവിധാനവും നിർവഹിച്ചിരിക്കുന്നത്.
അമൻ റാഫി തന്നെയാണ് നായക കഥാപാത്രത്തെ അവതരിപ്പിച്ചിരിക്കുന്നത് എന്നതാണ് 'എഗൈൻ ജിപിഎസിന്‍റെ മറ്റൊരു പ്രത്യേകത. അജീഷ് കോട്ടയം, ശിവദാസൻ മാറമ്പിള്ളി, മനോജ്‌ വലംച്ചുഴി, സഞ്ചു ശിവ, ലിജോ അഗസ്റ്റിൻ, മനീഷ്, കോട്ടയം പുരുഷൻ, അമ്പിളി, എന്നിവർ മറ്റ് പ്രധാന കഥാപാത്രങ്ങളായി എത്തുന്നു. സുഹൃദ് ബന്ധങ്ങളുടെ കഥ പറയുന്ന ചിത്രം ത്രില്ലർ പശ്ചാത്തലത്തിലാണ് ഒരുക്കിയിരിക്കുന്നത്.