ഫ്ലാറ്റിൽ ചാരായം വാറ്റ് ; രണ്ട് ലിറ്റർ ചാരായവും 30 ലിറ്റർ കോടയും പിടികൂടി

ഫ്ലാറ്റിലെ പതിനാലാമത്തെ നിലയിലാണ് ചാരായം വാറ്റ് നടന്നത്. പ്രതി ഓടി രക്ഷപ്പെട്ടു.

തിരുവനന്തപുരം : കഴക്കൂട്ടത്ത് ചാരായം വാറ്റ് നടത്തിയ ഫ്ലാറ്റിൽ എക്സൈസിന്‍റെ റെയ്‌ഡ്‌. മേനംകുളം കോൺഫിഡന്‍റ്‌ അൽത്തീന എന്ന ഫ്ലാറ്റ് വാടകയ്ക്ക് എടുത്താണ് ചാരായം വാറ്റ് നടത്തിയത്. ഫ്ലാറ്റിലെ പതിനാലാമത്തെ നിലയിലാണ് ചാരായം വാറ്റ് നടന്നത്. സംഭവത്തിൽ വാമനപുരം ആനക്കുടിയിൽ ഹേമന്ദിനെതിരെ (30) അബ്കാരി നിയമ പ്രകാരം കേസെടുത്തു. ഫ്ലാറ്റിൽ നിന്നും രണ്ട് ലിറ്റർ ചാരായവും 30 ലിറ്റർ കോടയും പിടികൂടി. പ്രതി ഓടി രക്ഷപ്പെട്ടു. റെയ്ഡില്‍ സിവിൽ എക്സൈസ് ഓഫീസർമാരായ ശിവൻ, സുർജിത്, അഭിലാഷ് വനിത സിവിൽ എക്‌സൈസ് ഓഫീസർ സൽമം, ഡ്രൈവർ സുനിൽകുമാർ എന്നിവർ പങ്കെടുത്തു.