തിരുവനന്തപുരം: വർഗീയ സംഘടനകൾ കൂടിക്കാഴ്ച നടത്തിയത് ഇന്ത്യൻ മതേതര വിശ്വാസത്തിനു ഭീഷണിയെന്ന് ഡിവൈഎഫ്ഐ അഖിലേന്ത്യ പ്രസിഡന്റ് എ എ റഹീം എം.പി. മതേതര ഇന്ത്യയ്ക്കു അപകടകരമായ സൂചനയാണ് ഇത് നൽകുന്നതെന്നും കോൺഗ്രസിന്റെ ദേശീയ നേതാക്കൾ ഇതുവരെ വിഷയത്തിൽ പ്രതികരിച്ചിട്ടില്ലെന്നും റഹീം പറഞ്ഞു. ആർഎസ്എസ് മൗദൂദി നേതാക്കൾ തമ്മിൽ കൂടിക്കാഴ്ച നടത്തിയതിനെ കുറിച്ച് പ്രതികരിക്കുകയായിരുന്നു അദ്ദേഹം.
'ആർഎസ്എസും മൗദൂദി സംഘവും ഒരേ നാണയത്തിന്റെ രണ്ട് വശങ്ങൾ എന്ന് വീണ്ടും വ്യക്തമാക്കുന്നതാണ് കൂടിക്കാഴ്ച. ജമാഅത്തെ ഇസ്ലാമി ആർഎസ്എസിനെ പറഞ്ഞതും ആർഎസ്എസ് ഇതുവരെ ജമാഅത്തെ ഇസ്ലാമിയെ പറഞ്ഞതും മാറ്റി പറയുമോ എന്നും റഹീം ചോദിച്ചു. ജമാഅത്തെ ഇസ്ലാമിയുടെ പിന്തുണയോടെ തദ്ദേശ സ്ഥാപനങ്ങളിൽ കോൺഗ്രസ് ഇപ്പോളും ഭരണം നടത്തുന്നുണ്ട്.