പത്തനംതിട്ട : പഠനാവശ്യത്തിനായി പതിനഞ്ചുകാരൻ ഉപയോഗിക്കുന്ന മൊബൈൽ ഫോണിലേക്ക് വാട്‌സ്‌ആപ്പ് വഴി ലൈംഗികച്ചുവയുള്ള സന്ദേശങ്ങൾ അയച്ച യുവാവ് അറസ്റ്റില്‍. കൂടൽ മുറിഞ്ഞകൽ മനീഷ് വിലാസത്തിൽ മനീഷ് (32) ആണ് പോക്സോ നിയമപ്രകാരം അറസ്റ്റിലായത്.
കുട്ടിയെ പ്രകൃതിവിരുദ്ധ ലൈംഗികതയ്ക്ക് വശീകരിച്ചതായി പൊലീസ് പറഞ്ഞു. ഈ മാസം 7 മുതൽ 12 വരെയുള്ള കാലയളവിലാണ് ഇയാൾ കുട്ടിക്ക് ഇത്തരത്തില്‍ സന്ദേശം അയച്ചത്. 13 ന് കുട്ടിയുടെ മൊഴിയെടുത്ത പൊലീസ് കേസെടുത്ത് അന്വേഷണം ആരംഭിക്കുകയായിരുന്നു.