കോന്നി: മുഖ്യമന്ത്രി പിണറായി വിജയനെയും ഇടത് സർക്കാരിനെയും രൂക്ഷമായി വിമർശിച്ച് കേന്ദ്ര സഹമന്ത്രി വി മുരളീധരൻ. എൻഡിഎ കോന്നി നിയോജക മണ്ഡലം തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പിണറായി വിജയനെന്നല്ല പിണറായി പരാജയനെന്നാണ് വിളിക്കേണ്ടതെന്നും അദ്ദേഹം പരിഹസിച്ചു.
നീതി നടപ്പിലാക്കാൻ ഇറങ്ങുമ്പോൾ എല്ലാവരോടും ഒരു പോലെയായിരിക്കണം. ഓർത്തഡോക്സ് സഭയോട് കാണിച്ചത് കടുത്ത അനീതിയാണ്. വിശ്വാസങ്ങൾക്ക് യാതൊരു വിലയും കൽപ്പിക്കാത്ത സർക്കാരാണ് കേരളത്തിലുള്ളത്. മന്നത്ത് പദ്മനാഭന്‍റെ പിൻതലമുറക്കാരെ തള്ളി നവോത്ഥാനം നടത്താൻ കഴിയില്ല. പിണറായി വിജയൻ നവോത്ഥാനത്തിന്‍റെ പേരിൽ നാടകം കളിക്കുകയാണ്. ശബരിമല വിഷയത്തിൽ കോൺഗ്രസ് പ്രസംഗിക്കുക മാത്രമേയുള്ളു. ചെന്നിത്തലയും കോൺഗ്രസും ജനങ്ങളെ കബളിപ്പിക്കുകയാണെന്നും അദ്ദേഹം പറഞ്ഞു. ശബരിമലയിലും ആചാരസംരക്ഷണത്തിലും ഊന്നിയാണ് എന്‍ഡിഎയുടെ തെരഞ്ഞെടുപ്പ് പ്രചാരണം.
Last Updated : Oct 5, 2019, 6:49 AM IST