റാന്നിയില്‍ ഗ്രാമപഞ്ചായത്തിന്‍റെ നേതൃത്വത്തില്‍ സൗജന്യ ഭക്ഷ്യകിറ്റ് വിതരണം ചെയ്തു

വാര്‍ഡിലുള്ളവരുടെയും പ്രവാസികളുടെയും സഹകരണത്തോടെ 58 കുടുംബങ്ങള്‍ക്കാണ് ഭക്ഷ്യ കിറ്റ് വിതരണം ചെയ്തത്

പത്തനംതിട്ട: റാന്നി ഗ്രാമപഞ്ചായത്തിലെ ഏഴാം വാര്‍ഡായ പുതിശേരിമലയില്‍ ഗ്രാമപഞ്ചായത്തിന്‍റെ നേതൃത്വത്തില്‍ പൊതുജനങ്ങളുടെ പങ്കാളിത്തത്തോടെ സൗജന്യ ഭക്ഷ്യകിറ്റ് വിതരണം നടത്തി. വാര്‍ഡിലുള്ളവരുടെയും പ്രവാസികളുടെയും സഹകരണത്തോടെ 58 കുടുംബങ്ങള്‍ക്കുള്ള ഭക്ഷ്യ കിറ്റ് വിതരണമാണ് നടന്നത്.

ഭക്ഷ്യ കിറ്റ് വിതരണോത്ഘാടനം റാന്നി ഗ്രാമപഞ്ചായത്ത് സെക്രട്ടറി ജി സുധാകുമാരി നിര്‍വഹിച്ചു. കൊവിഡ് ബാധിതരുടെ കുടുംബങ്ങള്‍ക്കും ലോക്ഡൗണില്‍ തൊഴില്‍ രഹിതരായ കൂലിപ്പണിക്കാർ അടങ്ങിയ കുടുംബങ്ങള്‍ക്കാണ് പച്ചക്കറി വിഭവങ്ങളും പലവ്യഞ്ജന സാധനങ്ങളും അടങ്ങിയ കിറ്റ് വിതരണം ചെയ്‌തത്.